នៅក្នុងពេលម៉ាស្សាថែសម្ផស្ស ការបន្ថែមសម្ពាធជួយជំរុញដល់ចលនាឈាម មានប្រសិទ្ធភាពក្នុងការជំរុញឱ្យទឹករងៃហូរចេញ។ វាជួយជំរុញដល់ការកម្ចាត់ជាតិពុល ផ្តល់អុកស៊ីសែន និងសារធាតុចិញ្ចឹមដល់ស្បែក។ ការសម្រួលចរន្តឈាមជួយឱ្យស្បែកមានភាពវ័យក្មេង រស់រវើក ធ្វើឱ្យផ្ទៃមុខរបស់លោកអ្នកភ្លឺថ្លា លែងហើម ឬខ្មៅស្រអាប់។

លោកអ្នកធ្លាប់ដឹងថាការម៉ាស្សាថែសម្ផស្សមានមុខងារកម្ចាត់ស្បែកក្រិនដែរឬទេ? ការម៉ាស្សាអាចជួយកម្ចាត់ស្បែកងាប់នៅស្រទាប់ខាងលើ កាត់បន្ថយការគរទុកនូវកោសិកាស្បែកដែលងាប់ ហើយថែមទាំងអាចបង្រួមរន្ធញើស ជួយបញ្ចេញជាតិពុលពីក្នុងស្បែក។ ការម៉ាស្សាថែសម្ផស្សក៏អាចជំរុញដល់ការស្រូបយកសារធាតុចិញ្ចឹមរបស់ផលិតផលថែរក្សាស្បែកផងដែរ ហើយវាជួយលើកកម្ពស់ប្រសិទ្ធភាពនៃការប្រើប្រាស់ផលិតផលថែរក្សាស្បែក។